இலவச பாடநூல் விநியோகம் தொடர்பில் கல்வி அமைச்சரின் அறிவிப்பு!

இந்த வருடத்திற்கான(2023) இலவச பாட நூல்களை எதிர்வரும் 27 ஆம் திகதிக்குள் விநியோகிக்க எதிர்பார்த்துள்ளதாக கல்வி அமைச்சர் சுசில் பிரேம் ஜயந்த் தெரிவித்துள்ளார். 

நேற்றைய தினம்(15) மஹரகம பகுதியில் இடம்பெற்ற நிகழ்வு ஒன்றில் கலந்து உரையாற்றும் போதே அவர் இவ்வாறு தெரிவித்துள்ளார். 

அமைச்சர் மேலும் தெரிவிக்கையில், 

ஆரம்ப வகுப்பு மற்றும் தரம் 06 முதல் 11 வரையான வகுப்பு பாடநூல்கள் விநியோகிக்கப்படும். மேலும் வழமையாக 4.5 பில்லியன் ரூபாய் இதற்காக செலவிடப்படும் ஆனால் இம்முறை 16 பில்லியன் ரூபா செலவிடப்பட்டுள்ளது. 

பாடநூல்களை அச்சிடுவதற்கு தேவையான மூலப்பொருட்கள் இந்தியாவிடமிருந்து பெறப்பட்டமையால் 45 வீதமான பாடநூல்கள் அரசாங்க அச்சகத்திலும் 55 வீதமான பாடநூல்கள் தனியார் அச்சகங்களிலும் அச்சிடப்பட்டன என அவர் மேலும் தெரிவித்துள்ளார்.

Previous:

10-02-2023 அன்று வெளியான அரச வர்த்தமானி (மும்மொழிகளிலும்) / Official Government Gazette Released on 10-02-2023

அதிபருக்கு பணியாற்ற தடை விதித்த மாகாண கல்வித் திணைக்களம்

அடுத்த வருடம் முதல் தரம் 6-13 வரையான சகல பாடத்திட்டமும் புதுப்பிக்கப்படும்: செயற்கை நுண்ணறிவு கலந்துரையாடலில்... - அமைச்சர்