பகிடிவதைக்கு எதிராக கடும் சட்ட நடவடிக்கையை உயர் கல்வி அமைச்சு அமுல்படுத்தவுள்ளது. அந்தவகையில் 2018/2019 கல்வி ஆண்டுக்காக 

பல்கலைக்கழகங்களுக்கு உள்வாங்கப்படும் மாணவர்களை உடல் ரீதியாகவும் உள ரீதியாகவும் தொல்லைக்கு உட்படுத்தினால் அதனுடன் தொடர்புபட்ட மாணவர்கள், இந்த செயற்பாட்டிற்கு உதவி ஒத்தாசை வழங்கும் பல்கலைக்கழக நிர்வாகத்தினர் உயர்நீதி மன்றத்தில் ஆஜர் படுத்தப்படுவார்கள் என்று உயர் கல்வி அமைச்சின் செயலாளர் எம்.எம்.ரி.கே.மாயாதுண்னே கூறியுள்ளார். 

மாணவர் ஒருவர் தொல்லைக்கு உட்படுத்தப்பட்டு மரணம் அல்லது ஊனமுற்ற நிலைக்கு உள்ளானால் சம்பந்தப்பட்ட பீடாதிபதி முதல் பொறுப்பு கூறவேண்டிய அனைத்து தரப்பினருக்கும் எதிராக உயர் நீதி மன்றத்தில் வழக்கு தொடரப்படும் என்றும் அவர் குறிப்பிட்டார். 

கொடூர பகிடிவதைக்கு எதிராக சட்டத்தில் உள்ள விதிகள் கடுமையானது என்றும் அவர் தெரிவித்தார். 10 வருட சிறைத்தண்டனையும் வழங்க முடியும் என்றும் அவர் சுட்டிக்காட்னார்.

பொலிஸ் ஆணைக்குழு மற்றும் பொலிஸ் மா அதிபர் ஆகியோரை சந்தித்து கலந்துரையாடியதுடன் அவர்கள் முழுமையான ஒத்துழைப்புக்களை வழங்குவதாக தெரிவித்திருப்பதாகவும் அவர் தெரிவித்தார். 

பல்கலைக்கழகங்களில் இடம்பெறும் தொல்லைகளின் காரணமாக வருடாந்தம் 2,000 மாணவர்கள் பல்கலைக்கழகங்களை விட்டு விலகிச் செல்கின்றனர் என்றும் அவர் மேலும் தெரிவித்தார்.

(அ.த.தி)

புதிதாக 850 பேருக்கு சுகாதார துறையில் இணைவதற்கான சந்தர்ப்பம் வழங்கப்படவிருக்கிறது. 2019 ஆம் ஆண்டுக்காக 

குடும்ப சுகாதார சேவை அதிகாரி பயிற்சியாளர் பதவிக்கே 850 பேர் சுகாதார போசாக்கு மற்றும் சுதேசிய வைத்தியத்துறை அமைச்சினால் இணைத்துக் கொள்ளப்படவுள்ளமை குறிப்பிடத்தக்கது. 

இதற்கு 2015, 2016 மற்றும் 2017 ஆம் ஆண்டுகளில் கல்வி பொது தராதர உயர்தரத்தில் உயிரியல் விஞ்ஞானம், பௌதீக விஞ்ஞானம், விவசாய விஞ்ஞானம் மற்றும் இரசாயன விஞ்ஞானம் ஆகிய பாடங்களில் 3 பாடங்களில் ஒரே தடவையில் சித்தி பெற்றவர்களிடம் இருந்து விண்ணப்பங்கள் கோரப்படவுள்ளன.

சுகாதார போசாக்கு மற்றும் சுதேசிய வைத்தியத்துறை அமைச்சின் உத்தியோக பூர்வ இணையத்தளமான www.health.gov.lk ஊடாக மாத்திரம் விண்ணப்பங்களை விண்ணப்பிக்கலாம். 

அடுத்த மாதம் 20 ஆம் திகதி வரையில் விண்ணப்பங்கள் ஏற்றுக்கொள்ளப்படவுள்ளமை குறிப்பிடத்தக்கது.

இது தொடர்பான வர்த்தமானி அறிவித்தலைப் பார்வையிட கீழுள்ள லிங்கை கிளிக் செய்க.

gazette notification

Online மூலம் விண்ணப்பிக்க கீழுள்ள லிங்கை கிளிக் செய்க.

Apply online

உயர் நீதிமன்ற பணிப்பிற்கமைய 2019 ஆம் ஆண்டு புதிய மற்றும் பழைய பாடத்திட்டப் படி பரீட்சைக்குத் தோற்றியவர்களை இரு வேறு குடித்தொகையினராக பல்கலைக்கழக அனுமதியின் போது கருத்திற்கொள்ளப்படவிருக்கின்றனர். 

இது தொடர்பான மேலதிக விபரங்களைப் பெற கீழுள்ள லிங்கை கிளிக் செய்க.

Special notice

ஒரு கடுமையான தொழில்நுட்ப விரும்பியாகவோ அல்லது அதிக செலவின்றி நவீன ஆடம்பர பயணத்தை நோக்கிச் செல்லும் ஆர்வமுள்ள பயணியாகவோ நீங்கள் இருக்கலாம், அவ்வாறான உங்களுக்கு அவுஸ்திரேலியாவில் உள்ள OPPO இன் 5G ஹோட்டலானது பதிலாக அமைகின்றது. 

OPPO அவுஸ்திரேலியா ஆனது, 5G மூலம் சாத்தியமாகின்ற விடயங்கள் பற்றி அனைவருக்கும் ஒரு விளக்கம் அளிக்கும் வகையில், உலகின் முதலாவது 5G இனால் வலுவூட்டப்பட்ட ஸ்மார்ட் ஹோட்டலை உருவாக்கியுள்ளது. முழு ஹோட்டலும் OPPO இன் Reno ஸ்மார்ட்போன், 5G வலையமைப்பு (5G Network) மற்றும் புதிய தொழில்நுட்பத்தால் நிரம்பியுள்ளது. 

இது இன்னும் சில மாதங்களில் அவுஸ்திரேலியா முழுவதும் 5G வலையமைப்பு காணப்படும் இடங்களுக்கு சுற்றுப்பயணம் மேற்கொள்ளவுள்ளது. 

 ஸ்மார்ட் மிரர், 5G கேமிங் சூட், விருந்தினர்கள் தங்கள் குரல் வழியாக மின் விளக்குகளைக் கட்டுப்படுத்தவும், மாய உண்மை (AR), இடையறாத இலவச பொழுதுபோக்கு போன்ற இன்னும் பல அம்சங்கள் இதில் காணப்படுகின்றன.

Examination Department- Application for a copy of Results Sheet for Private Candidates by Normal service and One day service. பரீட்சார்த்திகளின் (தனிப்பட்ட) பெறுபேற்று சான்றிதழ்களை பரீட்சைத் திணைக்களத்திலிருந்து பெற்றுக்கொள்வதற்கான விண்ணப்பம். (சாதாரண சேவை மற்றும் ஒரு நாள் சேவை)
Click here for Normal Service Application/ சாதாரண சேவைக்கான விண்ணப்பத்தைப் பெற கீழுள்ள லிங்கை கிளிக் செய்க.


Normal Service
Click here for One day Service Application / ஒருநாள் சேவைக்கான விண்ணப்பத்தைப் பெற கீழுள்ள லிங்கை கிளிக் செய்க.


One day Service

நுவரெலியா மாவட்டத்தின் அபிவிருத்தி இணைப்புக் குழு கூட்டம் அபிவிருத்தி இணைப்புக் குழு இணைத் தலைவரும் நுவரெலியா மாவட்ட பாராளுமன்ற உறுப்பினருமான கே.கே.பியதாச தலைமையில் நடைபெற்றது. 

இதில் உரையாற்றிய விஷேட பிராந்திய அபிவிருத்தி அமைச்சர் வே.இராதாகிருஸ்ணன், மலையத்தின் பெருந்தோட்ட பாடசாலைகளுக்கு உதவி ஆசிரியர்களாக தெரிவு செய்து ஆசிரியர் பயிற்சிகளை முடித்துக் கொண்ட பயிற்றபட்ட ஆசிரியர்களுக்கு தரம் 3-1 ற்கு பதவி நிலைபடுத்தி அவர்களுக்கான கொடுப்பனவை மத்திய மாகாணம் வழங்காததினால் பயிற்றபட்ட ஆசிரியர்கள் பல இன்னல்களை எதிர்நோக்குகின்றனர். ஏனைய சில மாகாணங்களில் அவர்களுக்கான கொடுப்பனவு வழங்கபட்டு வருகின்றது. அதேபோல் இவர்களுக்கும் கூடிய விரைவில் வழங்கப்பட வேண்டும் என்றார். 

இதற்கு பதிலளித்து உரையாற்றிய மத்திய மாகாண ஆளுனர் கீர்த்தி தென்னக்கோன் இதற்கான தீர்வினை 

பெற்றுக் கொடுப்பதில் நானும் இணைந்துக் கொள்கின்றேன். தற்போது பயிற்சி பெற்ற 215 ஆசிரியர் உதவியாளர்களின் விபரம் கிடைத்து உள்ளது. இவர்களில் மூன்று இரண்டுக்கு நிலைப்படுத்த தேவையான அனைத்து விபரங்களும் சரி செய்யபட்டு வருகின்றன. இன்னும் ஒரிரு வாரங்களில் இவர்களுக்கான பதவியை நிலைபடுத்தி கொடுப்பனவை மத்திய மாகாணம் மூலம் வழங்வதற்கான நடவடிக்கை எடுக்கப்படும் என்றார். அதே போல் பயிற்சி பெற்றுக் கொண்டு இருப்பவர்களுக்கும் பயிற்சி பெற இருப்பவர்களுக்கும் இந்த நடைமுறை முன்னெடுக்கப்படும் என்று அவர் மேலும் தெரிவித்தார்.

அமெரிக்க அதிபர் டிரம்ப் உள்ளிட்ட பல உலகத் தலைவர்கள் கலந்து கொண்டுள்ள ஜி7 மாநாடு பிரான்சில் நடைபெற்றது. இதில் முன்னறிவிப்பு ஏதுமின்றி ஞாயிற்றுக்கிழமை அன்று திடீரென ஈரான் வெளியுறவு அமைச்சர் கலந்து கொண்டார். 

ஈரான் - அமெரிக்க இடையே அதிக பதற்றம் நிலவி வரும் சூழலில், இந்த மாநாட்டில் ஈரான் அமைச்சர் கலந்து கொண்டிருப்பது, அமெரிக்க அதிகாரிகளை வியக்க வைத்துள்ளதாக கூறப்படுகிறது. 

பிரான்ஸ் அதிபரோடு ஆக்கப்பூர்வமான பேச்சுவார்த்தை நடத்தியதாக இரான் வெளியுறவு அமைச்சர் ட்விட் செய்துள்ளார். 2015 இரான் அணு ஒப்பந்தத்தில் இருந்து கடந்தாண்டு அமெரிக்கா விலகியதையடுத்து, இருநாடுகளுக்கும் இடையே பதற்றம் நிலவி வருகின்றமை குறிப்பிடத்தக்கது.

2019 அம் வருடத்திற்கான வாக்காளர் இடாப்பு வெளியிடப்பட்டமை யாவரும் அறிந்ததே. கிராம சேவகர் காரியாலயம், பிரதேச செயலகம், மாவட்ட செயலகம் என்பவற்றில் பார்வையிட முடிவதோடு தேர்தல்கள் திணைக்களத்தின இணையத்தளத்திலும் பார்வையிடும் வசதி காணப்படுகிறது. 

இந்த வாக்காளர் இடாப்பில் பிரச்சினைகள் இருக்குமாயின் எதிர்வரும் 

10 ஆம் திகதிக்கு முன்னார் அறிவிக்குமாறு தேர்தல்கள் ஆணைக்குழு அனைத்து வாக்காளர்களிடமும் கேட்டுக்கொண்டுள்ளது. தமது விபரங்களில் மாற்றம் இருந்தாலோ பெயர் இடம்பெறாவிட்டாலோ முறைப்பாட்டை மேற்கொள்ளலாம். 

2019 ஆம் வருடத்திற்கான வாக்காளர் இடாப்பு கடந்த 23 ஆம் திகதி முதல் காட்சிப்படுத்தப்பட்டமை குறிப்பிடத்தக்கது. வாக்களிக்கும் உரிமையை உறுதிப்படுத்திக்கொள்ளும் இச்சந்தர்ப்பத்தை தவற விட வேண்டாம்.

எதிர்வரும் டிசம்பர் மாதம் 2ஆம் திகதி தொடக்கம் 12ஆம் திகதி வரையில் கல்விப் பொதுத் தராதர சாதாரண தரப் பரீட்சை 

திட்டமிட்டபடி இடம்பெறும் என்று பரீட்சைகள் ஆணையாளர் நாயகம் சனத் பூஜித்த தெரிவித்துள்ளார். இதற்குத் தேவையான ஒழுங்குகள் தற்போது மேற்கொள்ளப்பட்டு வருகின்றன. ஆனால் செய்முறைப் பரீட்சை இம்முறை பரீட்சைக்கு முன்னதாக அடுத்த மாதம் ஒக்டோபர் மாதம் நடத்துவதற்கு ஒழுங்குகள் மேற்கொள்ளப்பட்டுள்ளன என்றும் அவர் மேலும் தெரிவித்துள்ளார்.

(அ.த.தி)

2013 ஆம் ஆண்டில் இருந்து இந்திய கிரிக்கெட் அணியின் தலைவர் விராட் கோலி இந்தி நடிகை அனுஷ்கா சர்மாவும் காதலித்து வந்தனர். விளம்பரம் ஒன்றின் படப்பிடிப்பில் இருவரும் சந்தித்தபோது காதல் ஏற்பட்டது. 

4 ஆண்டுகளாக காதலித்து வந்த இருவரும் திருமணம் செய்துகொள்ளும் முடிவுக்கு வந்தனர். கடந்த 2017 ஆம் ஆண்டு டிசம்பர் மாதம் 11 ஆம் திகதி திருமணம் இத்தாலியில் உள்ள மிலன் நகர் அருகே டஸ்கேனியில் உள்ள சொகுசு விடுதியில் நடந்தது. 

தற்போது மேற்கிந்திய தீவில் விளையாடும் விராட் கோலி அங்கு பிரபல தொலைக்காட்சி நிகழ்ச்சி ஒன்றில் கலந்துக் கொண்டு உரையாடினார். அப்போது உரையாற்றிய கோலி,


‘அனுஷ்கா சர்மா என் வாழ்வில் கிடைத்தது கிரிக்கெட் கிடைத்ததை விட மிகப் பெரிய வரம். மிகச் சரியான துணையை தேர்ந்தெடுத்துள்ளேன். ஏனென்றால், அவரது பணிகளை அவராகவே சிறப்பாக செய்து வருகிறார். அதோடு எனக்கான இடத்தையும் சரியாக தருகிறார். என்னை சரியான பாதையில் வழிநடத்துவதும் அவர்தான். அவரிடம் இருந்து இன்னும் நிறைய கற்றுக் கொள்வேன்’ என நெகிழ்ச்சியுடன் கூறியிருக்கிறார்.

இது ஒரு அரியவகைப் புற்று நோயாகும். திசுக்கள், தசைகள், தசைநார்கள், மூட்டுகள் மற்றும் பிற உடல் அமைப்புகள் வழியாக மிகவும் மெதுவாகப் பரவுவதால், 

இந்த வகைப் புற்றுநோயை கண்டறிவது மிகவும் கடினம். மருத்துவ நிபுணர்களின் கருத்துப்படி, மனித உடலில் புற்று அல்லாத பல கட்டிகள் உள்ளன. இவை உடலின் பிற பகுதிகளுக்கு பரவுவதில்லை. உயிருக்கு ஆபத்தானதும் அல்ல. ஆனால், புற்றாக மாறுவதற்குச் சாத்தியமுடைய கட்டிகள் படிப்படியாகக் கட்டுப்படுத்த முடியாத நிலைக்குச் சென்றுவிடுகின்றன. இதுதான் 

’சாஃப்ட் திசு சார்கோமா’ என்று அழைக்கப்படுகிறது என தெரிவிக்கப்படுகிறது. தசைகளில் வீக்கம், எலும்புகள் மற்றும் கட்டிகளில் ஏற்படும் வலி நீண்டகாலம் தொடர்வது இந்த நோய்க்கான அறிகுறிகளாகும். இந்த நோய் உடலின் எந்த பகுதியை வேண்டுமானாலும் பாதிக்கலாம் என்றும், பொதுவாக கைகள் மற்றும் கால்களிலுள்ள தசைகளை பாதிக்கிறது என்றும் நிபுணர்கள் தெரிவிக்கின்றமை குறிப்பிடத்தக்கது.
(பிபிசி)

இந்தியாவிலிருந்து பலாலிக்கு நேரடி விமான சேவை ஆரம்பிக்கப்படவுள்ளது. அலையன்ஸ் எயார், இன்டிகோ ஆகிய இரண்டு இந்திய விமான சேவை நிறுவனங்களும் பலாலி விமான நிலையத்திற்கான விமான சேவைகளை ஆரம்பிக்கத் திட்டமிட்டிருக்கின்றன. 

இதற்குத் தேவையான குடிவரவு, குடியகல்வு வசதிகளையும், சேவைகளையும் வழங்கத் தயார் என்று குடிவரவு, குடியகல்வுத் திணைக்களத்தின் கட்டுப்பாட்டாளர் நாயகம் பசன் ரத்னாயக்க தெரிவித்துள்ளார். இலங்கைக்கு இந்த வருட இறுதிக்குள் 20 இலட்சம் சுற்றுலாப் பயணிகளை கவர்ந்திழுக்கும் வேலைத்திட்டத்திற்கு இந்த நேரடி விமான சேவை உதவும் என்று எதிர்பார்க்கப்பட்டுள்ளது.

(அ.த.தி)

மலேசிய இந்தியர்கள், சீனர்கள் குறித்து மதப் போதகர் ஜாகிர் நாயக் அண்மையில் தெரிவித்த சில கருத்துகள் காரணமாக அவருக்கு கடும் எதிர்ப்பு கிளம்பியதையடுத்து அவர் நாடு கடத்தப்பட வேண்டும் எனும் கோரிக்கை அதிகரித்தது.

நாடு முழுவதும் ஜாகிர் நாயக் மீது 200 க்கும் மேற்பட்ட புகார்கள் காவல்துறையிடம் அளிக்கப்பட்டுள்ளன. இந்நிலையில், மலேசிய காவல்துறை அவரிடம் பல மணிநேரம் விசாரணையும் நடத்தியிருக்கிறது. இதையடுத்து இன, மத நல்லிணக்கத்துக்கு குந்தகம் விளைவிக்கும் வகையில் பேசுபவர்களுக்கு வெறும் எச்சரிக்கை மட்டும் விடுக்கப்பட மாட்டாது என்றும், உரிய வழக்கு பதிவு செய்யப்பட்டு கைது நடவடிக்கையும் மேற்கொள்ளப்படும் என்றும் மலேசிய காவல்துறை தலைவர் எச்சரிக்கையும் விடுத்திருந்தார்.

இதனால் ஜாகிர் நாயக் மீது எத்தகைய நடவடிக்கை எடுக்கப்படும் எனும் எதிர்பார்ப்பு நிலவி வந்தது. இந்நிலையில், பிரதமர் மகாதீரின் திட்டவட்டமான அறிவிப்பு வெளியாகியது.

ஜாகிர் நாயக் நாடு கடத்தப்படும் விவகாரத்தில் தமது முந்தைய நிலைப்பாட்டில் எந்தவொரு மாற்றமும் இல்லை என செய்தியாளர்களிடம் பேசுகையில் குறிப்பிட்டார். 

மேலும் ஜாகிர் நாயக்கிற்கு எதிர்ப்பு தெரிவித்து நடைபெற இருந்த பேரணி ரத்து செய்யப்பட்டுள்ளது. ஜாகிர் நாயக்கை நாடு கடத்த வேண்டாம் என்பது மலேசிய அமைச்சரவை ஒருமித்த முடிவு என அந்நாட்டின் வெளியுறவு இணை அமைச்சர் டத்தோ மர்சுகி யாயா தெரிவித்தமை குறிப்பிடத்தக்கது.

(நன்றி: பிபிசி)

பரீட்சைத் திணைக்களத்தால் வெளியிடப்பட்ட Online முறையிலான GIT பாட மாதிரி வினாத்தாளை சிங்களம், தமிழ், ஆங்கிலம் ஆகிய 3 மொழிகளிலும் பெற கீழுள்ள லிங்கை கிளிக் செய்க.

GIT online exam-model papers