இந்த வருடத்திற்கான சகல தேசிய பரீட்சைகளும் பிற்போடப்பட்டுள்ளதோடு பாடசாலை நாட்களும் குறைக்கப்பட்டுள்ளதாக கல்வி அமைச்சர் ஜி.எல். பீரிஸ் தெரிவித்துள்ளார். 

கல்வி அமைச்சில் நடைபெற்ற ஊடகவியலாளர் சந்திப்பின் போதே அவர் இவ்வாறு தெரிவித்துள்ளார். 

அமைச்சர் மேலும் தெரிவிக்கையில், 

கொரோனா பரவல் காரணமாக கடந்த வருடத்தின் தேசிய பரீட்சைகள் எதுவும் உரிய காலத்தில் இடம்பெறவில்லை. அதேபோன்று இந்த வருடத்திற்கான தேசியப் பரீட்சைகளும் பிற்போடப்பட்டுள்ளன. 

வருடத்திற்கு பொதுவாக 200 நாட்கள் பாடசாலைகள் நடக்க வேண்டும். ஆனால் இவ்வருடம் அதை 150 நாட்களாக குறைக்க வேண்டி ஏற்பட்டுள்ளது. மேல் மாகாணத்தில் அது 130 நாட்களாக குறைந்துள்ளது. 

எனவே இவ்வருடம் தோற்றும் பரீட்சார்த்திகளுக்கு போதிய கால அவகாசம் வழங்கப்பட்டுள்ளது. இதை மாணவர்கள் சிறந்த முறையில் பயன்படுத்திக் கொள்ள வேண்டும் எனவும் அமைச்சர் மேலும் தெரிவித்தார்.

2021 ற்கானதும் 14வதுமான IPL போட்டிகள் நேற்று ஆரம்பமாகின. இந்தப் போட்டிகள் எதிர்வரும் மே 30-ஆம் தேதி வரை நடைபெற உள்ளன. மொத்தம் 60 

போட்டிகள் இடம்பெறும். மொத்தமாக 08 அணிகள் கலந்து கொள்ளும். 

போட்டிகள் மும்பை, சென்னை, பெங்களூரு, அஹமதாபாத், புதுடில்லி மற்றும் கொல்கத்தா ஆகிய இடங்களில் நடைபெற உள்ளன.

ஹிஜ்ரி 1442 ஆம் வருட புனித ரமழான் மாத தலைப்பிறையைத் தீர்மானிக்கும் மாநாடு கொழும்பு பெரிய பள்ளிவாசலில் நாளை மறுதினம் (12) திங்கட்கிழமை மஹ்ரிப் தொழுகையின் பின்னர் நடைபெறவுள்ளது. 

இதில் அகில இலங்கை ஐம்இய்யத்துல் உலமா, பிறைக்குழு உறுப்பினர்கள், முஸ்லிம் சமய பண்பாட்டலுவல்கள் திணைக்களம், வளிமண்டலவியல் திணைக்களம் 

என்பவற்றின் உறுப்பினர்கள் கலந்து கொள்ள உள்ளனர். 

பிறை கண்டவர்கள் தகுந்த ஆதாரங்களுடன் 0112451245, 0777316415 எனும் இலக்கங்களுக்கு அறிவிக்குமாறு கேட்டுக்கொள்ளப்பட்டுள்ளது. 

இதேவேளை பிறை தென்பட்டமை தொடர்பான உத்தியோகபூர்வ அறிவித்தலை இலங்கை ஒலிபரப்புக் கூட்டுத்தாபன முஸ்லிம் சேவையில் வழங்கப்படும் எனவும் பிறை சம்பந்தமான ஊர்ஜிதமற்ற தகவல்களையோ வதந்திகளையோ பகிர்வதைத் தவிர்த்துக் கொள்ளுமாறும் கொழும்பு பெரிய பள்ளிவாசல் வேண்டுகோள் விடுத்துள்ளமை குறிப்பிடத்தக்கது.

தேங்காய் எண்ணெய் தொடர்பாக பரிசோதனைகளை மேற்கொள்ள உதவி பொலிஸ் அத்தியட்சகரின் தலைமையில் 10 பேர் கொண்ட குழுவை குற்றப் புலனாய்வுத் திணைக்களம் நியமித்துள்ளது. 

சட்டமா அதிபரின் ஆலோசனைக்கமையவே இந்த நடவடிக்கை மேற்கொள்ளப்பட்டுள்ளது.

உலகிலேயே அதிகமாக பெரும் செல்வந்தர்களை கொண்ட நகரமாக சீனாவின் தலைநகர் பீஜிங் தெரிவு செய்யப்பட்டுள்ளதாக போபர்ஸ் சஞ்சிகை தெரிவித்துள்ளது. 

அங்கு 100 பெரும் செல்வந்தர்கள் காணப்படுவதாக பிபிசி செய்தி நிறுவனம் தெரிவித்துள்ளது. 

அமெரிக்காவின் நியூயோர்க் நகரம் 99 பேருடன் இரண்டாம் இடத்துக்கு பின் தள்ளப்பட்டுள்ளது. 

எவ்வாறாயினும் பீஜிங் பெரும் செல்வந்தர்களை விட நிவ்யோக் 

பெரும் செல்வந்தர்களின் மொத்த சொத்து மதிப்பு 80 பில்லியன் டொலர் அதிகமாகும். 

140 பெரும் செல்வந்தர்களுடன் இந்தியா மூன்றாம் இடத்திலும் 698 பேருடன் சீனா இரண்டாம் இடத்திலும் 724 பேருடன் அமெரிக்கா முதலாம் இடத்திலும் உள்ளமை குறிப்பிடத்தக்கது.

கடந்த மாதம் (மார்ச்) நடைபெற்ற 2020 க்கான சாதாரணதர பரீட்சையின் அழகியல் பாடங்களுக்கான செயல்முறை பரீட்சைக்குரிய திகதிகள் அறிவிக்கப்பட்டுள்ளன. 

அந்த வகையில் மே 18 முதல் 

30 வரை இந்த செயல்முறை பரீட்சைகள் நடைபெறுமென பரீட்சைகள் ஆணையாளர் சனத் பூஜித தெரிவித்துள்ளார்.

இந்த வருட ரமழான் மாதத்தில் அரச ஊழியர்களுக்கு வழங்க வேண்டிய விஷேட விடுமுறை மற்றும் முற்பணம் தொடர்பாக 06/2021 இலக்கம் கொண்ட அரசாங்க நிர்வாக சுற்றறிக்கையை பொது சேவைகள் மாகாண சபைகள் மற்றும் உள்ளூராட்சி அமைச்சு வெளியிட்டுள்ளது. 

இதில் நாளாந்தம் தொழுகை மற்றும் விசேட வழிபாடுகளுக்காக வழங்கப்பட வேண்டிய விடுமுறை மற்றும் பெருநாள் தினத்திற்கு 14 நாட்களுக்கு முன்னதாக வழங்க வேண்டிய முற்பணம் போன்ற பல விபரங்கள் கூறப்பட்டுள்ளன. 

சுற்றறிக்கையை தமிழில் பெற கீழே உள்ள லிங்கை கிளிக் செய்க.  

ஆங்கிலத்தில் பெற கீழே உள்ள லிங்கை கிளிக் செய்க. 

சிங்களத்தில் பெற கீழே உள்ள லிங்கை கிளிக் செய்க.

09-04-2021 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். 

Official gazette released on 09-04-2021 (In three languages) 

இதில், 

பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கை கிளிக் செய்து உரிய மொழியில் முழுமையாகப் பார்வையிடுக. 

தமிழில் பார்வையிட கீழுள்ள லிங்கை கிளிக் செய்க. 

Click the link below for Tami Gazette. 

ஆங்கிலத்தில் பார்வையிட கீழுள்ள லிங்கை கிளிக் செய்க. 

Click the link below for English Gazette. 

சிங்களத்தில் பார்வையிட கீழுள்ள லிங்கை கிளிக் செய்க. 

Click the link below for Sinhala Gazette.

இவ்வருடத்திற்குரிய புமைப்பரிசில், சாதாரணதர மற்றும் உயர்தர பரீட்சைகள் ஒத்திவைக்கப்பட்டுள்ளதாக கல்வி அமைச்சர் பேராசிரியர் ஜி. எல். பீரிஸ் தெரிவித்துள்ளார். 

அந்த வகையில் புதிய திகதிகள் வருமாறு: 

தரம் 5 புலமைப்பரிசில் பரீட்சை: அக்டோபர் 3. 

உயர்தர பரீட்சை: ஒக். 04 - ஒக். 30 வரை. 

சாதாரண தர பரீட்சை: 2022 ஜனவரி இறுதி வாரத்தில்.

ஏப்ரல் 21 தாக்குதலின் பிரதான சூத்திரதாரி நௌபர் மௌலவி என அமைச்சர் சரத் வீரசேகர சொன்னபோதிலும், உண்மையான சூத்திரதாரி கண்டுபிடிக்கப்படவில்லை என பாராளுமன்ற உறுப்பினர் ரவூப் ஹக்கீம் குறிப்பிட்டார். 

ஏப்ரல் 21 தாக்குதல் தொடர்பில் ஆராய்ந்த ஜனாதிபதி ஆணைக்குழுவின் அறிக்கை தொடர்பில் பாராளுமன்றத்தில் நேற்று (7) நடைபெற்ற விவாதத்தின் போதே இவ்வாறு குறிப்பிட்டார். 

இந்த தாக்குதலின் நடிகராக சஹ்ரான் செயற்பட்டிருக்கலாம். சாரா என்ற நடிகை காணாமல் போயுள்ளார். இந்த நிலையில், இந்த தாக்குதலின் 

பின்னணியில் இஸ்ரேலின் புலனாய்வுப் பிரிவு செயற்பட்டுள்ளதா என்ற சந்தேகம் எழுந்துள்ளதாகவும் அவர் தெரிவித்தார். 

Pakkam Bin-abu என்ற நபர் குறித்தும் இஸ்ரேல் புலனாய்வுப் பிரிவு தொடர்பிலும் ஆராய வேண்டியுள்ளது. 

மேலும் இத்தாக்குதலை திட்டமிட்டு வழிநடத்தியவர்கள் வௌியில் உள்ளனரா என்பது குறித்தும் ஆராய வேண்டுமெனவும் அவர் மேலும் தெரிவித்தார்.

2014ல் விக்ரம் பிரபு, கீர்த்தி சுரேஷ் ஆகியோரை வைத்து 'இது என்ன மாயம்' என்ற படத்தைத் தயாரித்தது ராதிகா, சரத்குமார் ஆகியோர் பங்குதாரர்களாக உள்ள மேஜிக் ஃப்ரேம்ஸ் என்ற நிறுவனம். 

இந்த படத் தயாரிப்பிற்காக ரேடியண்ட் என்ற நிறுவனத்திடமிருந்து மேஜிக் ஃப்ரேம்ஸ் நிறுவனம் 

ஒன்றரைக் கோடி ரூபாயை கடனாகப் பெற்றது. இந்த பணத்தை திருப்பித் தராத காரணத்தால் இது தொடர்பாக ரேடியண்ட் நிறுவனத்தின் சார்பில் வழக்குத் தொடரப்பட்டது. 

இந்த வழக்கின் தீர்ப்பு இன்று அளிக்கப்பட்டது. அதில் சரத்குமார், ராதிகா இருவருக்கும் தலா ஓரு வருட சிறை தண்டனை விதிக்கப்பட்டது. 

மேல் முறையீடு செய்யும்வரை சிறை தண்டனையை நிறுத்திவைக்க வேண்டுமென சரத்குமார் சார்பில் மனுதாக்கல் செய்யப்பட்டதற்கமைய சரத்குமாருக்கு மேல் முறையீடு செய்ய 30 நாட்கள் அவகாசமளித்து தண்டனையும் நிறுத்தி வைக்கப்பட்டுள்ளது. 

இதேவேளை ராதிகா நீதிமன்றத்தில் ஆஜராகவில்லை என்பதால் அவருக்கு பிடிவிராந்து பிறப்பிக்கப்பட்டுள்ளது. ஆனால், அவருக்கு கொரோனா பாதிப்பு உள்ளதால், அதிலிருந்து மீண்டவுடன் அவர் நீதிமன்றத்தில் ஆஜராவார் என அவர் தரப்பு வழக்கறிஞர் நீதிமன்றில் தெரிவித்திருக்கிறார்.

அடிப்படைவாத செயற்பாடுகளுடன் தொடர்புடையதாகக் கருதப்படும் 11 இஸ்லாமிய அமைப்புக்களுக்கு தடைவிதிக்க சட்டமா அதிபர் தப்புல டி லிவேரா அனுமதியளித்துள்ளதாக சட்டமா அதிபர் திணைக்களம் தெரிவித்துள்ளது. 

இதில் ஜம்இய்யா எனப்படும் இலங்கை இஸ்லாமிய 

மாணவர் இயக்கமும் உள்ளடங்குகிறது. குறித்த 11 அமைப்புகளும் பின்வருமாறு: 

• 1) சிலோன் தௌஹீத் ஜமாஅத் - Ceylon Thowheed Jamaath (CTJ) 
• 2) யுனைடெட் தௌஹீத் ஜமாஅத் - United Thowheed Jamaath (UTJ) 
• 3) இலங்கை தௌஹீத் ஜமாஅத் - Sri Lanka Thowheed Jamaath (SLTJ) 
• 4) அனைத்து இலங்கை தௌஹீத் ஜமாஅத் - All Ceylon Thowheed Jamaath (ACTJ) 
• 5) இலங்கை இஸ்லாமிய மாணவர் இயக்கம் - Sri Lanka Islamic Student Movement (SLISM) 
• 6) ஜமியத்துல் அன்சாரி சுன்னத்துல் மொஹமதியா - Jamiyyathul Ansaari Sunnaththul Mohomadiya (JASM) 
• 7) தாருல் ஆதார் & ஜமியுல் ஆதர் - Dharul Adhar & Jamiul Adhar 
• 8) இஸ்லாமிய அரசு ஈராக் மற்றும் சிரியா (ஐ.எஸ்.ஐ.எஸ்) - Islamic State of Iraq & Syria (ISIS) 
• 9) அல்கொய்தா - Al-Qaeda 
• 10) சூப்பர் முஸ்லீம் - Super Muslim 
• 11) சேவ் த பேர்ள்ஸ் Save the Pearls

இதேவேளை அடிப்படைவாத சிங்கள அமைப்புகளுக்கு தடை விதிக்கப்படவில்லை. பொது பல சேனா அமைப்பையும் தடைசெய்ய வேண்டுமென ஜனாதிபதி விசாரணை ஆணைக்குழு தனது பரிந்துரையில் தெரிவித்திருந்தமை குறிப்பிடத்தக்கது.

இம்முறை ஜப்பான் தலைநகர் டோக்கியோவில் நடைபெறவுள்ள ஒலிம்பிக் போட்டிகளில் பங்கேற்கப் போவதில்லை என வட கொரியா அதிரடியாக அறிவித்துள்ளது. 

தமது நாட்டு வீரர்களை கொரோனா வைரஸ் தொற்றிலிருந்து 

பாதுகாக்கும் நோக்கிலேயே இந்த தீர்மானம் மேற்கொள்ளப்பட்டுள்ளதாக அது மேலும் தெரிவித்துள்ளது. 1988ற்கு பின் முதன்முறையாக வடகொரியா இவ்வாறு ஒலிம்பிக் போட்டிகளை தவறவிடுகின்றமை குறிப்பிடத்தக்கது.

ரஞ்சன் ராமநாயக்கவின் பாராளுமன்ற உறுப்புரிமை வெற்றிடமாகிள்ளதாக சபாநாயகர் பாராளுமன்றத்தில் இன்று அறிவித்துள்ளார். 

இது தொடர்பில் பாராளுமன்ற செயலாளர் தேசிய தேர்தல் 

ஆணைக்குழுவுக்கு அறிவித்துள்ளதாகவும் அவர் தெரிவித்துள்ளார். 

நீதிமன்ற அவமதிப்பு குற்றச்சாட்டில் நான்கு வருட கடூழிய சிறைத்தண்டனை ரஞ்சன் ராமநாயக்கவிற்கு விதிக்கப்பட்டு தற்போது அவர் சிறையில் உள்ளமை குறிப்பிடத்தக்கது.

05-04-2021 அன்று நடைபெற்ற அமைச்சரவைக் கூட்டத்தின் போது மேற்கொள்ளப்பட்ட தீர்மானங்களை (Cabinet Decisions) இங்கு தருகிறோம். 

இதில், 

பல முக்கிய தீர்மானங்கள் அடங்கியுள்ளன. 

இதன் முழு வடிவத்தைப் பெற கீழுள்ள லிங்கை கிளிக் செய்க.

வெளிநாடுகளில் இருந்து இலங்கைக்கு வரும் இலங்கையர்கள், இலங்கையின் கடவுச்சீட்டுக்களில் பயணம் செய்யும் இரட்டைப் பிரஜாவுரிமையுடையவர்கள், வெளிநாட்டவர்களாக இருக்கும் இலங்கையர்களின் வாழ்க்கைத் துணை மற்றும் திருமணமாகாத 

பிள்ளைகள் மற்றும் விமானம் மூலம் வருகை தரும் இலங்கை மாலுமிகள் ஆகியோர் வெளிநாட்டு அமைச்சு மற்றும் சிவில் விமானப் போக்குவரத்து அதிகாரசபை ஆகியவற்றின் முன் அனுமதியின்றி இலங்கைக்குள் நுழைவதற்கு அனுமதிக்கப்படுவார்கள் என வெளிநாட்டு அமைச்சு நேற்று(6) வெளியிட்ட அறிக்கையில் தெரிவிக்கப்பட்டுள்ளது. 

எவ்வாறாயினும் பயணிகளின் வருகையை நிர்வகிக்கும் பொறுப்பு சிவில் விமானப் போக்குவரத்து அதிகாரசபையிடம் ஒப்படைக்கப்பட்டுள்ளதுடன், உள்ளூர் தனிமைப்படுத்தல் மற்றும் தேவையான வசதிகளை வழங்கும் வகையில் குறித்த அதிகாரசபை உரிய விமான நிறுவனங்களினூடாக வருகை தருபவர்களின் எண்ணிக்கையை கட்டுப்படுத்தும் எனவும் அந்த அறிக்கையில் மேலும் தெரிவிக்கப்பட்டுள்ளது.

கொரோனா வைரஸ் தொற்று காரணமாக மூடப்பட்டிருந்த சகல பல்கலைக்கழகங்களையும் புதுவருடத்தின் பின்னர் மீள ஆரம்பிக்க நடவடிக்கை எடுக்கப்படுமெனவும் இதற்காக 

சுகாதார ஆலோசனைக் கோவையொன்றை பல்கலைகழகங்களுக்கு அறிமுகப்படுத்தவ உள்ளதாகவும் பல்கலைக்கழக மானியங்கள் ஆணைக்குழுவின் தலைவர், பேராசிரியர் சம்பத் அமரதுங்க தெரிவித்துள்ளார். 

எவ்வாறாயினும் தற்போது பல்கலைக்கழகங்களில் பரீட்சைகளை நடத்துவதற்கான அனுமதி வழங்கப்பட்டுள்ளதாக அவர் மேலும் தெரிவித்தார்.

29-03-2021 அன்று நடைபெற்ற அமைச்சரவைக் கூட்டத்தின் போது மேற்கொள்ளப்பட்ட தீர்மானங்களை (Cabinet Decisions) இங்கு தருகிறோம். 

இதில், 

பல முக்கிய தீர்மானங்கள் அடங்கியுள்ளன. 

இதன் முழு வடிவத்தைப் பெற கீழுள்ள லிங்கை கிளிக் செய்க.

வெடி பொருட்களை கண்டறியும் இராணுவத்தை சேர்ந்த மோப்ப நாய்களுக்காக மிருக வைத்தியசாலை திறந்துவைக்கப்பட்டது. 

கள பொறியியல் படையணியின் கே9 பிரிவில் அமைக்கப்பட்ட இந்த வைத்தியசாலையை கள பொறியியல் படையணி பிரதம பொறியியலாளர் மேஜர் ஜெனரல் நிஹால் அமரசேகர திறந்துவைத்தார். 

அறுவைசிகிச்சை வசதி, தயார்படுத்தல் பிரிவு, மீட்டல் பிரிவு, வார்டு, 

அல்ட்ரா செளன்ட் ஸ்கேனிங், எலக்ட்ரோ கார்டியோகிராஃப் யூனிட் மற்றும் டிஜிட்டல் ரேடியோ வரைபட வாசிப்பு போன்ற வசதிகள் இங்கு காணப்படுகின்றன.