யாழ்ப்பாணத்திலிருந்து சென்னைக்கு எவ்வளவு தெரியுமா?

சென்னைக்கும் யாழ்ப்பாணம் விமான நிலையத்திற்கும் இடையிலான பயணிகள் விமான சேவை இம் மாதம் 10 திகதி ஆரம்பமாகவுள்ளது. இந்திய விமான நிறுவனமான Alliance air of india என்ற நிறுவனம் சென்னை விமான நிலையத்திற்கும் யாழ்ப்பாண விமான நிலையத்திற்கும் இடையில் வர்த்தக பயணிகள் விமான சேவையை இம் மாதம் 

10 ஆம் திகதி முதல் ஆரம்பிக்க இருப்பதாக நிறுவனம் தமக்கு அறிவித்துள்ளதாக இலங்கை சிவில் விமான அதிகார சபை தெரிவித்துள்ளது. இது தொடர்பாக இன்று அதிகாரசபை வெளியிட்டுள்ள ஊடக அறிக்கையில் விமான சேவை அறிமுகத்தை முன்னிட்டு சென்னைக்கும் யாழ்ப்பாணத்திற்கும் இடையிலான ஒருவழி விமான கட்டணம் இலங்கை நாணயத்தில் 7,900 ரூபா (இந்திய நாணயத்தில் 3,090 ஆகும்) என்று அறிவிக்கப்பட்டுள்ளமை குறிப்பிடத்தக்கது.

(அ.த.தி)