Vacancy (The Open University of Sri Lanka) 

 

Post: Software Engineer (Contract Base) 

 

Closing date: 17-10-2021.

 

அதிபர் ஆசிரியர் சம்பள முரண்பாடு தொடர்பில் இன்றைய தினம்(12) தொழிற்சங்க பிரதிநிதிகளுக்கும் பிரதமருக்கும் இடையிலான சந்திப்பு இடம்பெற்றது. 

 

இந்த சந்திப்பின் பின்னர் ஊடகங்களுக்கு கருத்துத் தெரிவித்த தொழிற்சங்க பிரதிநிதிகளின் கருத்துக்களை இங்கு தருகிறோம். 

 

இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் கருத்துத் தெரிவிக்கையில், 

 

இன்று பிரதமருடனான சந்திப்பு நண்பகல் 12:30 மணி அளவில் ஆரம்பித்து சுமார் இரண்டரை மணி நேரத்துக்கும் மேலாக இடம்பெற்றது. இதில் அமைச்சர்கள் சிலரும் அமைச்சுக்களின் அதிகாரிகளும் கலந்து கொண்டனர். 

 

அன்று முதல் இன்று வரை எமது கோரிக்கை என்னவென்றால் அமைச்சரவை உப குழுவின் தீர்வை சுபோதினி அறிக்கையில் ஒரு பகுதியாக எடுத்துக்கொள்ளப்பட்டு அதை ஒரே தடவையில் தர வேண்டும் என்பதாகும். நேற்றைய தினம் இடம்பெற்ற அமைச்சரவைக் கூட்டத்தில் மூன்று கட்டங்களாக செலுத்த தீர்மானிக்கப்பட்டிருந்தது. ஆனால் இன்றைய பேச்சுவார்த்தையில் பிரதமர் பல தரப்பினருடன் பேசியபின் கடைசியாக மூன்று கட்டங்களாக தருவதை இரு கட்டங்களாக தருவதாகச் சொன்னார். 

 

அதாவது முதலாவது கட்டம் அடுத்த வருடம் ஜனவரியிலும் இரண்டாம் மற்றும் மூன்றாம் கட்டங்கள் 2023 ஜனவரியிலும் தருவதாக தெரிவிக்கப்பட்டது. அதன் அடிப்படையில் இரு கட்டங்களிலும் சமமான அதிகரிப்பு கிடைக்காது. முதலாம் கட்டத்தில் மூன்றில் ஒரு (1/3) பங்கு அதிகரிப்பும் இரண்டாம் கட்டத்தின் போது மூன்றில் இரண்டு (2/3) பங்கு அதிகரிப்பும் கிடைக்கும். 

 

இது தொடர்பில் நாம் எமது முடிவை அறிவிக்கவில்லை. எமது தொழிற்சங்க ஒன்றியத்தில் அங்கம்வகிக்கும் சகல தொழிற்சங்கங்களுடனும் நாளைய தினம் பேச்சு வார்த்தை நடத்தி நாளையதினம் முடிவு அறிவிக்கப்படும். அதுவரை எமது தொழிற்சங்க நடவடிக்கைகள் அவ்வாறே தொடரும் என தெரிவித்தார். 

 

 

இது தொடர்பில் இலங்கை ஆசிரியர் சேவை சங்கத்தின் பொதுச்செயலாளர் மஹிந்த ஜெயசிங்க கருத்து தெரிவிக்கையில், 

 

இன்று பேச்சுவார்த்தைக்கு பகல் 12:00 மணிக்கு நாம் அழைக்கப்பட்டிருந்தோம். அந்த வகையில் 12:30க்கு பேச்சுவார்த்தை தொடங்கி சுமார் 03 மணித்தியாலம் வரையில் நீடித்தது. 24 வருடங்களாக எமக்கு மறுக்கப்பட்டிருந்த சம்பள முரண்பாடு தொடர்பில் நாம் பேச்சுவார்த்தை நடத்தினோம். 

 

அமைச்சரவை உப குழுவின் சிபாரிசை 3 கட்டங்களாக வழங்க நேற்றைய அமைச்சரவை கூட்டத்தில் தீர்மானிக்கப்பட்டிருந்தது. ஆனால் நாம் அவர்களுக்கு தொடர்ச்சியாக சொன்னோம் அமைச்சரவை கூட்டத்தின் தீர்மானத்தை அவ்வாறே ஏற்றுக்கொள்வதென்றால் நாம் இந்த பேச்சுவார்த்தைக்கு வந்ததில் எந்த அர்த்தமும் இல்லை என்று சொன்னோம். நாம் தொடர்ச்சியாக கூறினோம் இது ஒரே தடவையில் தரப்பட வேண்டுமென்று. 

 

ஆனால் இது தொடர்பில் பிரதமர், கல்வி அமைச்சர், கல்வி அமைச்சின் அதிகாரிகள், நிதி அமைச்சின் அதிகாரிகள், பிரதமர் அலுவலக அதிகாரிகள் போன்ற சகல தரப்பினரும் கலந்துரையாடி இறுதியாக முதலாம் கட்டத்தை 2022 ஜனவரியிலும் இரண்டாம் மற்றும் மூன்றாம் கட்டங்களை 2023 ஜனவரியிலும் தருவதாகச் சொன்னார்கள். 

 

இதற்கு ஆசிரியர் அதிபர் தொழிற்சங்க சம்மேளனம் என்ற வகையில் ஆதரவையோ எதிர்ப்பையோ நாம் தெரிவிக்கவில்லை. இது தொடர்பிலான முடிவு ஏனைய தொழிற்சங்கங்களுடனும் கலந்துரையாடி நாளைய தினம் எடுக்கப்படும். அதுவரை எமது தொழிற்சங்க போராட்டம் அவ்வாறே தொடரும். அதில் எந்த மாற்றமும் இல்லை. 

 

நாம் ஒரே தடவையில் தர வேண்டும் என்று கோரிய போது, அதற்கான நிதி வசதியோ பொருளாதார நிலையோ தற்போது இல்லை என அரச தரப்பில் தெரிவிக்கப்பட்டது. விசேடமாக நிதியமைச்சின் அதிகாரிகள் இந்த முறை வரவு செலவுத் திட்டத்திற்கு மேலும் நிதி ஒதுக்கீடு செய்வதற்கு எந்த வகையிலும் முடியாத நிலை காணப்படுகிறது என தெரிவித்தனர். 

 

எனவே இந்த சகல நிலைமை தொடர்பாகவும் நாம் விரிவாக கலந்துரையாட வேண்டும். அவ்வாறு கலந்துரையாடி எமது தொழிற்சங்க நடவடிக்கையின் எதிர்காலம் பற்றி நாளைய தினம் நாம் தீர்மானம் எடுப்போம் என தெரிவித்தார்.

 

நாளைய தினம் (11) நடைபெறவிருந்த அதிபர் ஆசிரியர் தொழிற்சங்கங்களுக்கும் பிரதமர் மஹிந்த ராஜபக்ஷவுக்கும் இடையிலான பேச்சுவார்த்தை பிற்போடப்பட்டுள்ளதாக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் தெரிவித்துள்ளார். 

 

எவ்வாறாயினும் தமது தொழிற்சங்க போராட்டம் தொடரும் என அவர் மேலும் தெரிவித்துள்ளார்.

 

Sabaragamuwa University of Sri Lanka. 

Faculty of graduate studies 

 

Applications are invited for , 

Masterof Philosophy (MPhil) 

Doctor of Philosophy (PhD) 

 

Fees: MPhil - 270,000/- PhD - 370,000/- 

 

Medium: English & Sinhala. 

 

Duration: MPhil - 2 years. PhD - 3 years.

 

 source: Sunday Observer

 

அதிபர் ஆசிரியர் சம்பள முரண்பாடு உள்ளிட்ட பல கோரிக்கைகளை முன்வைத்து தொழிற்சங்கங்கள் முன்னெடுக்கும் போராட்டம் 90 நாட்களையும் கடந்து செல்கிறது. 

 

இதற்காக பிரதமர் மற்றும் கல்வி அமைச்சருடன் பேச்சுவார்த்தை நடத்தியும் இதுவரை தீர்வு இல்லை. 

 

இந்நிலையில் பிரதமருடன் மீண்டும் பேச்சுவார்த்தை நடத்துவதற்காக சந்தர்ப்பம் வழங்கப்பட்டுள்ளது. 

 

நாளை திங்கட்கிழமை(11) இந்த பேச்சுவார்த்தை இடம்பெறவுள்ளதாக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் தெரிவித்துள்ளார். நாளைய பேச்சுவார்த்தைகள் மூலம் சாதகமான 

 

முடிவுகள் எட்டப்படலாம் எனவும் அவர் நம்பிக்கை வெளியிட்டுள்ளார். 

 

இதேவேளை நாளைய தினம் இடம்பெறும் சந்திப்பை கல்வி அமைச்சின் செயலாளரும் உறுதிப்படுத்தியுள்ளார். பாடசாலைகள் மீள ஆரம்பமானதும் ஆசிரியர்கள் கற்றல் நடவடிக்கைகளை ஆரம்பிப்பார்கள் என உறுதியாக நம்புவதாகவும் கல்வியமைச்சின் செயலாளர் தெரிவித்துள்ளார்.

 

தற்போதைய கொவிட் 19 தொற்றுநோய் நிலைமைக்கு மத்தியில் நாடளாவிய சேவைகளிலுள்ள உத்தியோகத்தர்களின் நிர்வாக செயற்பாடுகளை மிகவும் சரியாகவும் வினைத்திறனுடனும் மேற்கொள்வதற்காக புதிய இணையவழி தகவல் தொழில்நுட்ப தொகுதி (Online IT system) ஒன்றை பயன்படுத்த வேண்டிய தேவை ஏற்பட்டுள்ளது. 

 

இத்திட்டத்தின் முதல் கட்டமாக, 

இலங்கை நிர்வாக சேவை உத்தியோகத்தர்களின் நிர்வாக செயற்பாடுகளுக்கான இணைய வழித் தகவல் தொழில்நுட்ப முறையொன்றை அறிமுகப்படுத்துவதற்கு நடவடிக்கைகள் எடுக்கப்பட்டுள்ளன. 

 

இதுதொடர்பாக 2021-10-07 திகதி இடப்பட்டு அரச சேவைகள், மாகாண சபைகள் மற்றும் உள்ளூராட்சி அமைச்சினால் வெளியிடப்பட்ட அறிவித்தலை கீழே காணலாம்.

 

இலங்கை நிர்வாக சேவையின் அலுவலர்களுக்கான இரண்டாவது வினைத்திறன் காண் தடைப் பரீட்சை - 2019(1) பரீட்சையின் முகாமைத்துவத்திற்கான தகவல் தொடர்பாடல் தொழில்நுட்ப பாவனை (16) பாடத்திற்குரிய பரீட்சைக்கான அறிவித்தல். 

 

 

மேல் மாகாணத்தில் உள்ள சில பாடசாலைகளில் இம்மாதம் 21ஆம் திகதி சாதாரணதர மற்றும் உயர்தர வகுப்புக்களை ஆரம்பிப்பதற்கு தீர்மானிக்கப்பட்டுள்ளதாகச் சுகாதார அமைச்சர் கெஹெலிய ரம்புக்வெல்ல நேற்றைய தினம் (09) கண்டியில் வைத்து ஊடகங்களுக்க தெரிவித்துள்ளார். 

 

ஆனால் இது தொடர்பில் கருத்து தெரிவித்த கல்வியமைச்சர் தினேஷ் குணவர்தன 

அவ்வாறான தீர்மானமேதும் மேற்கொள்ளப்படவில்லையென தெரிவித்துள்ளார். 

 

4 கட்டங்களாக பாடசாலைகள் மீள ஆரம்பிக்கப்படவுள்ளன. அதில் முதல் கட்டம் இம்மாதம் 21 ஆம் திகதி ஆரம்பமாகிறது. இந்த முதல் கட்டத்தில் சா.தர மற்றும் உ.தர வகுப்புக்கள் உள்ளடக்கப்படவில்லை என்பது குறிப்பிடத்தக்கது.

 

இலங்கை நிர்வாக சேவையின் 111 ம் தரத்திற்கு (SLAS-111) ஆட்சேர்ப்பு செய்வதற்கான போட்டிப் பரீட்சை - 2021 ற்கான விண்ணப்ப திகதி நீடிப்பு தொடர்பான அறிவித்தல் 08-10-2021 வர்த்தமானியில் பின்வருமாறு வெளியிடப்பட்டுள்ளது. 

 

குறித்த வர்த்தமானி அறிவித்தலைக் (சிங்களம்) கீழே காணலாம். 

 

 

இலக்கம் 2240 கொண்ட 2021-08-06 திகதி உடைய வர்த்தமானிக்கு செல்ல..

06-08-2021 அன்று வெளியான அரச வர்த்தமானி (மும்மொழிகளிலும்) 

 

இலங்கை கணக்காளர் சேவையின் 111 ம் தரத்திற்கு ஆட்சேர்ப்பு செய்வதற்கான போட்டிப் பரீட்சை - 2021 ற்கான விண்ணப்ப திகதி நீடிப்பு தொடர்பான அறிவித்தல் 08-10-2021 வர்த்தமானியில் பின்வருமாறு வெளியிடப்பட்டுள்ளது. 

 

குறித்த வர்த்தமானி அறிவித்தலைக் (சிங்களம்) கீழே காணலாம்.

 

30-07-2021 அன்று வெளியான அரச வர்த்தமானி (மும்மொழிகளிலும்) 

 

இலங்கை கல்வி நிர்வாக சேவை - 111 (SLEAS- 111) ற்கான விண்ணப்ப திகதி நீடிப்பு மற்றும் இன்னும் சில திருத்தங்கள் தொடர்பான அறிவித்தலை 08-10-2021 வர்த்தமானியில் கல்வி அமைச்சு பின்வருமாறு வெளியிட்டுள்ளது. 

 

* விண்ணப்பம் ஏற்றுக்கொள்ளும் இறுதித் திகதி 2021-10-22 வரை நீடிக்கப்படுகிறது. 

 

* சம்பந்தப்பட்ட சகல தகைமைகளும் 2021-07-30 திகதிக்கு பூரணப்படுத்தப்பட்டிருத்தல் வேண்டும். 

 

* 2021-09-03 வரை விண்ணப்பங்களை அனுப்பிய விண்ணப்பதாரிகள் மீண்டும் விண்ணப்பத்தை அனுப்ப தேவையில்லை. 

 

 

பாடசாலைகளை மீள ஆரம்பிப்பது தொடர்பில் அண்மையில் மாகாண ஆளுநர்களுக்கான கூட்டம் நடைபெற்றது. அந்தக் கூட்டத்தின் போது, 

 

பாடசாலைகளை மீள ஆரம்பித்தால் மாணவர்களை பாடசாலைக்கு அனுப்பி வைப்பதற்கான விழிப்பூட்டல்களை செய்வதற்காக 

அந்தந்த மாவட்டத்தை பிரதிநிதித்துவப்படுத்தும் பாராளுமன்ற உறுப்பினர்கள் மற்றும் பிரதேசங்களை பிரதிநிதித்துவப்படுத்தும் உள்ளூராட்சி மன்ற உறுப்பினர்களின் ஒத்துழைப்பை கோருவது எனவும் தீர்மானிக்கப்பட்டது. 

 

அந்த வகையில் வடக்கு மாகாண கல்வி அமைச்சு மாகாணத்தில் உள்ள பாராளுமன்ற உறுப்பினர்கள் மற்றும் உள்ளூராட்சி மன்ற உறுப்பினர்களிடம் இது தொடர்பான ஒத்துழைப்பை கோரியுள்ளது. 

 

பாடசாலைகளை மீள ஆரம்பிக்கும் முதல் கட்டத்தின் கீழ் வடக்கு மாகாணத்தில் 680 பாடசாலைகள் எதிர்வரும் 21ஆம் திகதி ஆரம்பிக்கப்பட்ட உள்ளமை குறிப்பிடத்தக்கது.

 

08-10-2021 அன்று வெளியான அரச வர்த்தமானியை தமிழ், ஆங்கிலம், சிங்களம் ஆகிய மொழிகளில் இங்கு தருகிறோம். 

 

Official Government Gazette released on 08-10-2021 

 

இதில், பல முக்கிய அறிவித்தல்கள் காணப்படுகின்றன. கீழே உள்ள உரிய லிங்கை கிளிக் செய்து உரிய மொழியில் முழுமையாக பார்வையிடுக. 

 

Tamil 

 

ஆங்கிலத்தில் பார்வையிட கீழே உள்ள லிங்கை கிளிக் செய்க. 

English 

 

சிங்களத்தில் பார்வையிட கீழே உள்ள லிங்கை கிளிக் செய்க. 

Sinhala 

 

https://www.irumbuthirainews.com/2021/10/01-10-2021-official-government-gazette.html