அதிபர், ஆசிரியர் சங்கங்களுக்கும் பிரதமருக்குமிடையிலான பேச்சுவார்த்தை இன்று (27) பிற்பகல் அலரி மாளிகையில் நடைபெற்றது. 

சுமார் 2 மணி நேர கலந்துரையாடலின் பின் ஊடகங்களுக்கு கருத்து தெரிவித்த இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின், 

பிரதமருடனான பேச்சுவார்த்தை எந்தவித இணக்கப்பாடும் இன்றி நிறைவடைந்ததாகவும் எனவே தமது கோரிக்கைகள் நிறைவேறும் வரை தொழிற்சங்க நடவடிக்கைகளை தொடர்ந்து மேற்கொள்வதாகவும் தெரிவித்தார்.

26-07-2021 அன்று நடைபெற்ற அமைச்சரவை கூட்டத்தின் போது எடுக்கப்பட்ட தீர்மானங்களை இங்கு தருகிறோம். 

இதில், 

பல முக்கிய தீர்மானங்கள் அடங்கியுள்ளன. இதன் முழு வடிவத்தைப் பெற கீழே உள்ள லிங்கை கிளிக் செய்க.

உலகின் மிகப்பெரிய நட்சத்திர நீல மாணிக்க கொத்தணி (Star Sapphire Cluster) ஒன்று இலங்கையின் இரத்தினபுரி பகுதியில் கண்டுபிடிக்கப்பட்டுள்ளது. 

இரத்தினபுரி பகுதியில் வியாபாரி ஒருவர் தனது வீட்டுக்குப் பின்புறம் கிணறு தோண்டும் வேளையில் இந்த நட்சத்திர நீல மாணிக்க கொத்தணி கிடைத்துள்ளது. 

ஏறத்தாழ 510 Kg (2.5 மில்லியன் கரட்) நிறையுடைய இந்த கல்லின் பெறுமதி 

சுமார் 100 மில்லியன் அமெரிக்க டொலர் என மதிப்பிடப்பட்டுள்ளது. இது இலங்கை நாணய பெறுமதியில் சுமார் 20 பில்லியன் ரூபா ஆகும். 

குறித்த நபர் இந்த கல்லிற்கு செரண்டிப் நீல மாணிக்கம் (Serendipity Sapphire) என பெயரிட்டுள்ளார்.

மேற்படி விடயம் தொடர்பாக நேற்றைய தினம் (26) இடம்பெற்ற அமைச்சரவை கூட்டத்தின் போது எடுக்கப்பட்ட தீர்மானத்தை இங்கு தருகிறோம். 

"21 ஆம் நூற்றாண்டில் எதிர்கொள்ள நேரிட்டுள்ள சவால்களுக்கு வெற்றிகரமான தீர்வுகளைப் பெற்றுக் கொள்வதற்கு தேவையான நிபுணத்துவத்துடன் கூடிய மாணவர் பரம்பரையை நாட்டில் உருவாக்குவதற்குத் தேவையான கல்வி முறைமையை உருவாக்குவதற்காக மேற்கொள்ள வேண்டிய கல்வி மறுசீரமைப்பை அறிமுகப்படுத்துவதற்காக தேசிய கல்வி நிறுவகம் நடவடிக்கைகளை மேற்கொண்டு வருகின்றது. 

குறித்த மறுசீரமைப்புக்கள் மூலமும் கற்பித்தல் மூலோபாயங்களில் விசேட மாற்றங்களை அறிமுகப்படுத்தத் திட்டமிடப்பட்டுள்ளது. முன்மொழியப்பட்டுள்ள மறுசீரமைப்பு 1,2,6,8 மற்றும் 10 ஆம் தரங்களுக்காக 2023 ஆம் ஆண்டிலும் 

3,4,5,7 மற்றும் 11 ஆம் தரங்களுக்காக 2024 ஆண்டிலும் அறிமுகப்படுத்துவதற்கு எதிர்பார்க்கப்பட்டுள்ளது. 

குறித்த பணிகளுக்காக தற்போது தேசிய கல்வி நிறுவகத்தில் பணிபுரியும் பணியாளர்கள் போதுமனாதல்ல என்பதுடன், அதற்காக அரச பாடசாலைகளில் ஆசிரியர் சேவையிலுள்ள குறிப்பிட்ட பாடவிதானங்களுடன் தொடர்புடைய, தேர்ச்சியுடன் கூடிய அனுபவம் வாய்ந்த 150 ஆசிரியர்களை தேசிய கல்வி நிறுவகத்திற்கு இணைத்துக் கொள்வதற்காக கல்வி அமைச்சர் அவர்கள் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது."

Source : அரசாங்க தகவல் திணைக்களம்.

எனது மகளின் பிரேத பரிசோதனையை செய்தவர் ஒரு முஸ்லிம் வைத்தியர். அதனால் எனக்கு சந்தேகம் உள்ளது. எனவே அதனை மீண்டும் செய்ய வேண்டும் என ஹிஷாலினியின் தாய் தெரிவித்துள்ளார். 

தனது மகளின் மரணத்திற்கு நீதி வேண்டும் என கோரி மனித உரிமைகள் ஆணைக்குழுவில் நேற்றைய தினம் (26) முறைப்பாடு செய்துவிட்டு ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்துள்ளார். 

இதேவேளை ஹிசாலினியின் உடலை தோண்டி எடுத்து மீண்டும் பிரேத பரிசோதனை மேற்கொள்ளுமாறு நேற்றைய தினம் கொழும்பு நீதவான் நீதிமன்றம் உத்தரவிட்டுள்ளமை குறிப்பிடத்தக்கது.

புதிதாக அறிமுகப்படுத்தப்பட்ட 18 லீற்றர் (9.6 கிலோகிராம்) திரவவாயு சிலிண்டரின் (Liquefied Petroleum Gas - LPG) மாவட்ட ரீதியான அதிகூடிய சில்லரை விலை விஷேட வர்த்தமானியில் வெளியிடப்பட்டது.  

இதன்படி கொழும்பு, கம்பஹா மாவட்டங்களுக்கு 1150/- ரூபாவும் யாழ்ப்பாணத்திற்கு 1259/- ரூபாவும் நிர்ணயிக்கப்பட்டுள்ளது. 

மேலும் புதிய Gas Cylinder இன் நிறை கிலோகிராமில் (Kg) குறிப்பிடப்பட்டிருக்க வேண்டும் எனவும் குறித்த வர்த்தமானியில் தெரிவிக்கப்பட்டுள்ளது. 

25 மாவட்டங்களுக்குமான விலை விபரங்களை கீழே காணலாம்.

Chinese language courses @ university of Colombo. 

சீன மொழி தொடர்பான பல்வேறுபட்ட கற்கை நெறிகளுக்கு கொழும்பு பல்கலைக் கழகத்தினால் விண்ணப்பங்கள் கோரப்பட்டுள்ளன:

Applications are invited for following courses:

 

Registration fee: 1000/- 

Closing date: 10-08-2021. 

Application & further details: 

See the details below.

ஆகஸ்ட் முதலாம் திகதி முதல் சகல அரச ஊழியர்களையும் சேவைக்கு அழைப்பது தொடர்பில் சுகாதார அமைச்சின் கவனத்திற்கு கொண்டு சென்றுள்ளதாக பொது நிர்வாக அமைச்சின் செயலாளர் ஜே.ஜே. ரத்னசிறி தெரிவித்துள்ளார். 

தற்போதைய நிலையில் குறைந்தளவான பணியாளர்களே சேவைக்கு அழைக்கப்படுவதால் 

நிறுவன நடவடிக்கைகளை முன்னெடுக்க முடியாத நிலை ஏற்பட்டுள்ளதாக அமைச்சின் செயலாளர்கள் பலர் அறிவித்துள்ளனர். எனவே இது தொடர்பில் சுகாதார அமைச்சுடன் கலந்துரையாடல் செய்து அடுத்த கட்ட நடவடிக்கை மேற்கொள்ளப்படும் என அவர் மேலும் தெரிவித்தார்.

கல்வி அமைச்சர் மற்றும் கல்வி அமைச்சின் அதிகாரிகளுக்கு எதிராக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் மனு தாக்கல் செய்துள்ளார். 

உயர் நீதிமன்றம் 2011 இல் பிறப்பித்த உத்தரவுக்கு அமைய தேசிய பாடசாலைகளில் முதலாம் தரத்திற்கு 35 மாணவர்களே சேர்த்துக்கொள்ளப்பட முடியும் என குறிப்பிடப்பட்டுள்ளது. 

ஆனால் உயர் நீதிமன்றத்தின் இந்த உத்தரவை மீறி அரச பாடசாலைகளில் தரம் 01க்கு 

40 மாணவர்களை சேர்த்துக் கொள்ளலாம் என்று கல்வி அமைச்சின் அதிகாரிகள் எடுத்த தீர்மானத்தை வலுவிழக்க செய்யுமாறு கோரியே மேன்முறையீட்டு நீதிமன்றில் நீதிப்பேராணை மனு ஒன்று ஜோசப் ஸ்டாலினால் தாக்கல் செய்யப்பட்டுள்ளது. 

இந்த மனுவின் பிரதிவாதிகளாக கல்வி அமைச்சர், கல்வி அமைச்சின் செயலாளர், தேசிய பாடசாலை பணிப்பாளர்கள் என்பவர்கள் பெயரிடப்பட்டுள்ளனர். 

உயர் நீதிமன்றத்தின் உத்தரவு மற்றும் கல்வி சேவை சட்ட திட்டங்கள் என்பவற்றை மீறி கல்வி அமைச்சின் அதிகாரிகள் இந்த விடயத்தில் செயற்பட்டுள்ளதாக அந்த மனுவில் மேலும் சுட்டிக்காட்டப்பட்டுள்ளது.

மாணவர்களுக்கு சலுகை விலையில் முகக்கவசம் வழங்கப்படும் என வர்த்தக அமைச்சர் பந்துல குணவர்தன தெரிவித்துள்ளார். 

அடுத்த மாதம் பாடசாலைகள் ஆரம்பிக்கப்பட்டதும் இந்த திட்டம் அமல்படுத்தப்படும். இதற்காக முகக் கவசம் தயாரிப்பாளர்களுடன் கலந்துரையாடல்களை நடத்தி வருவதாக அமைச்சர் மேலும் தெரிவித்துள்ளார்.

முறையாக இரண்டு தடுப்பூசிகளையும் செலுத்திக் கொண்டவர் கொரோனாவுக்கு பலியான சம்பவம் காலி கராப்பிட்டிய போதனா வைத்தியசாலையில் இடம்பெற்றுள்ளது. 

73 வயதான குறித்த நபருக்கு சினோபாம் (Sinopharm) கொவிட் தடுப்பூசிகளே செலுத்தப்பட்டுள்ளது. 

முதலாவது தடுப்பூசி மே 29 இலும் இரண்டாவது தடுப்பூசி ஜூன் 28 இலும் செலுத்தப்பட்டுள்ளது. 

குறித்த நபருக்கு சளி அதிகரித்தமையினால் கராபிட்டிய போதனா வைத்தியசாலையில் அனுமதிக்கப்பட்டார். பின்னர் அவருக்கு கொரோனா உறுதிப்படுத்தப்பட்ட நிலையில் சிகிச்சை பலனின்றி இறந்துள்ளார்.

இவ்வருடம் (2021) நடைபெற வேண்டிய சாதாரண தர பரீட்சைகுரிய புதிய திகதி கல்வியமைச்சரால் அறிவிக்கப்பட்டுள்ளது. 

அந்த வகையில் இப்பரீட்சையானது எதிர்வரும் 2022 பெப்ரவரி 21 ஆம் திகதி முதல் மார்ச் 3 ஆம் திகதி வரை இடம்பெறவுள்ளதாக கல்வி அமைச்சர் பேராசிரியர் ஜி எல் பீரிஸ் தெரிவித்துள்ளார். 

இதேவேளை இவ்வருடத்திற்குரிய புலமைப் பரிசில் பரீட்சை மற்றும் உயர்தர பரீட்சை என்பன இந்த வருடம் நவம்பர் மாதம் நடைபெறவுள்ளமை குறிப்பிடத்தக்கது.

தரம்: 4 ற்குரிய கணிதம் என்ற பாடம் இங்கு இலகு முறையில் தரப்பட்டுள்ளது. 

இதில், 

மாணவர்களே சுயமாக கற்கும் வகையில் இலகுவாக வடிவமைக்கப்பட்டுள்ளது. 

சுயமாக பயிற்சிகளை செய்யவும் அதை சரி பார்க்கவும் முடியும். 

இலகுவான வடிவமைப்பு..  

முழுமையாக பார்வையிட கீழே உள்ள லிங்கை கிளிக் செய்க.