காசா மீது மீண்டும் தாக்குதல்! புதிய அரசாங்கத்தின் முதலாவது தாக்குதல்:

கடந்த புதன்கிழமை அதிகாலை இஸ்ரேலிய விமான படைகள் காசா பகுதியில் மீண்டும் தாக்குதல்களை தொடங்கியுள்ளதாக தகவல்கள் தெரிவிக்கின்றன. 

இஸ்ரேலில் புதிய கூட்டணி அரசாங்கம் ஆட்சியைப் பிடித்த பின்னர் நடந்த முதல் தாக்குதல் இதுவாகும். 

வான்வழி தாக்குதல் நடத்தியதை உறுதி செய்துள்ள இஸ்ரேல் இராணுவம், ஹமாஸ் போராளிக்குழுவால் இயக்கப்படும் வானொலி நிலையமும் பலஸ்தீனிய பயிற்சி முகாமையும் குறிவைத்தே தாக்குதல் நடத்தியதாக தெரிவித்துள்ளது. மேலும் ஹமாஸ் அமைப்பால் தெற்கு இஸ்ரேல் பகுதியில் தீப்பிடிக்கும் வகையிலான பலூன்கள் பறக்கவிட்டதற்கு பதிலடியாகவே இந்த தாக்குதல் நடத்தப்பட்டதாக இஸ்ரேல் மேலும் தெரிவித்துள்ளது.