Online மூலம் மதுபான விற்பனை: அனுமதியை மறுத்த Covid அணி:

Online மூலம் மதுபானம் விற்பனை செய்ய நிதியமைச்சு கொள்கை ரீதியாக அனுமதி வழங்கியுள்ளதாகவும் ஆனால் Covid-19 தடுப்புக்கான மத்திய நிலையத்தின் அனுமதிக்காக காத்திருப்பதாகவும் அந்த அனுமதி கிடைக்கும் பட்சத்தில் தாம் வியாபார நிறுவனங்களுக்கு அனுமதி வழங்க உள்ளதாக கலால் திணைக்கள ஆணையாளர் எம். ஜே. குணசிறி தெரிவித்தார். 

நடைமுறையில் உள்ள பயணத்தடை காரணமாக மதுபான விற்பனை மூலம் கிடைக்கும் 600 மில்லியன் ரூபா வரி வருமானம் இழக்கப்பட்டுள்ளதாகவும் இக்காலங்களில் நாடளாவிய ரீதியில் சட்டவிரோத மதுபான விற்பனை அதிகரித்து வருவதாகவும் இவற்றைக் கருத்தில் கொண்டே இந்த நடைமுறை பின்பற்றப்பட உள்ளதாகவும் அவர் தெரிவித்திருந்தார். 

ஆனால் Online மூலம் மதுபானம் விற்பனை செய்வதற்கான கோரிக்கையை, கொவிட்-19 பரவலைத் தடுக்கும் தேசிய செயலணி நிராகரித்துள்ளதாக, இராணுவத் தளபதி ஜெனரல் ஷவேந்திர சில்வா இன்று அறிவித்தமை குறிப்பிடத்தக்கது.