கொரோனா உருவானது எப்படி? குற்றஞ்சாட்டப்படும் அமெரிக்கா!

கொரோனா எவ்வாறு  தோன்றியது என்ற விடயத்தின் மீது சீனாவை குற்றம் சுமத்தும் அமெரிக்கா, அவ்விடயம் தொடர்பாக சேகரிக்கப்பட்டுள்ள தரவுகள் மற்றும் கண்டுபிடிப்புகளில் கவனம் செலுத்தாமல் உள்ளது என்று சுவிஸ் உயிரியல் நிபுணரான வில்சன் எட்வர்ட் குற்றஞ்சாட்டியுள்ளார். 

தனது முகநூல் பதிவில் இது தொடர்பில் தெரிவித்த அவர், 

கொவிட் 19 வைரஸ் எவ்வாறு தோன்றி மனிதரைப் பீடித்தது என்பது தொடர்பான உலக சுகாதார ஸ்தாபனத்தின் ஆய்வில் அமெரிக்கா கரிசணையற்றதாக உள்ளது என்றும் உலக சுகாதார ஸ்தாபனத்தில் அமெரிக்கா மீண்டும் தனது செல்வாக்கை நிலை நிறுத்துவது தொடர்பாக பைடன் நிர்வாகம் செயலற்றிருப்பதாகவும் தெரிவித்துள்ளார். 

இதேவேளை கொரோனா வைரஸ் மனிதருக்கு எப்படி பரவியது என்பது தொடர்பாக மேலதிக ஆய்வுகளை மேற்கொள்ளும் முயற்சிகளுக்கு ஆதரவு வழங்க சீனா மறுத்து வருகின்றமை குறிப்பிடத்தக்கது.