அரச வைத்தியசாலைகளில் உரிய சேவைகள் கிடைக்கவில்லையா?

கொரோனா தொற்றின் காரணமாக வைத்தியசாலையில் அனுமதிக்கப்பட்டுள்ள சில நோயாளர்களுக்கு ஒருசில வைத்தியசாலைகளில் முறையான சிகிச்சைகள் வழங்கப்படுவதில்லை என்று குற்றச்சாட்டுக்கள் முன்வைக்கப்பட்டுள்ளன. 

எனவே இவ்வாறு அரச வைத்தியசாலைகளில் உரிய சேவைகள் கிடைக்காவிட்டால் அது தொடர்பாக சுகாதார அமைச்சுக்கு அறிவிக்குமாறு பிரதி சுகாதார சேவைகள் பணிப்பாளர் வைத்தியர் ஹேமந்த ஹேரத் நோயாளர்களிடம் வேண்டுகோள் விடுத்துள்ளார். 

இதேவேளை Covid-19 சிகிச்சை நிலையங்களுக்கு தேவையான மருந்து வகைகள் உட்பட சகல வசதிகளையும் சுகாதார அமைச்சு ஏற்கனவே வழங்கி இருப்பதாகவும் அவர் மேலும் தெரிவித்தார்.