"SriLanka unites" தொடர்பில் தனது நிலைப்பாட்டை மாற்றிக்கொண்டார் அமைச்சர் சுதர்ஷினி! நடந்தது என்ன?

SriLanka unites என்ற அமைப்பு தொடர்பில் தனது நிலைப்பாட்டையும் தான் தெரிவித்த கருத்தையும் அமைச்சர் சுதர்சனி பெர்னாண்டோபுள்ளே மாற்றிக்கொண்டார். அதாவது,

"SriLanka unites" என்ற பெயரில் குறித்த குழுவொன்றினால் போலியான, வைத்திய உபகரணப் பட்டியலொன்று தயாரித்து தனது பெயரைப் பயன்படுத்தி ட்விட்டர் மற்றும் சமூக வலைத்தளங்களின் ஊடாக நிதி வழங்குமாறு கேட்டு பதிவிட்டுள்ள செய்தி தவறானது என்றும், இது தொடர்பாக நிதி நன்கொடைகள் அல்லது வைத்திய உபகரணங்களை வழங்க வேண்டாம் என்றும் அமைச்சர் தெரிவித்திருந்தார். மேலும் இப்படிப்பட்ட கோரிக்கையை தான் அவர்களிடத்தில் முன்வைக்கவில்லை. இது தொடர்பாக விசாரணை செய்வதற்கு அவர்கள் குறிப்பிடப்பட்டுள்ள குறித்த தொலைபேசி இலக்கத்திற்கு பல தடவைகள் தொடர்பு கொண்டபோதும் தொடர்பு கொள்ள முடியவில்லை எனவும் தெரிவித்திருந்தார்.

இந்த செய்தியை irumbuthirainews.com உம் தனக்குரிய வாட்ஸ்அப் குழுமங்களில் பகிர்ந்தது.

Irumbuthirainews இன் செய்தியைப் பார்த்த குறித்த அமைப்பின் அம்பாறை

மாவட்ட இணைப்பாளர் என்று தன்னை அறிமுகப்படுத்திய நபர் ஒருவர் நம்மை தொடர்பு கொண்டு தமது நிறுவனம் தொடர்பாகவும் குறித்த செய்தியின் பின்னணி தொடர்பாகவும் விளக்கங்களை வழங்கினார். அதற்குரிய ஆதாரங்களையும் அனுப்பி வைத்தார்.

அதனை அடிப்படையாகக் கொண்டும் பொறுப்பான ஊடகம் என்ற வகையிலும் இதன் தெளிவுபடுத்தல்களை நாம் முன்வைக்கிறோம்.

(01) குறித்த அமைப்பு அமைச்சருக்கு அனுப்பிய விளக்கக் கடிதம் ஆங்கிலம் மற்றும் தமிழ் மொழி மூலம் (இந்தக் கடிதத்தில் அமைப்பு தொடர்பான விளக்கமும் அதன் செயற்பாடுகளின் தன்மையும் கூறப்பட்டுள்ளதோடு அமைச்சர் தொடர்பு கொண்டபோது ஏன் பதிலளிக்க முடியவில்லை என்ற காரணமும் தெரியப்படுத்தப்பட்டுள்ளது)