மீண்டும் ஐ.நா. பொதுச் செயலாளராக தெரிவானார் ஆன்டனியோ குட்டரெஸ்!

போர்த்துக்கல் முன்னாள் பிரதமரான ஆன்டனியோ குட்டரெஸ் (வயது 72) ஐ.நா.வின் 9-வது பொதுச்செயலாளராக கடந்த 2017-01-01ம் திகதி முதல் பதவி வகித்து வருகிறார். 

இவரது பதவிக்காலம் இந்த வருடம் டிசம்பர் 31-ம் திகதியுடன் நிறைவடைகிறது. இந்த நிலையில், 

ஐ.நா.வின் அதிகாரம் மிகுந்த பாதுகாப்பு கவுன்சில் கூட்டத்தில் ஆன்டனியோ குட்டரெசையே மீண்டும் பொதுச் செயலாளராக்குவது என ஒருமனதாக தீர்மானம் நிறைவேற்றப்பட்டுள்ளது. 

இதைத் தொடர்ந்து எதிர்வரும் 18-ம் திகதி நடைபெறும் ஐ.நா.வின் பொதுச்சபை கூட்டத்தில் முறைப்படி அவர் தேர்வு செய்யப்படுவார் என தெரிவிக்கப்பட்டுள்ளது. 

அவரது பதவிக்காலம் அடுத்த 2022 ஜனவரி 1 முதல் 2026-ம் ஆண்டு டிசம்பர் 31-ம் திகதி வரை தொடரும் என தெரிவிக்கப்பட்டுள்ளது.