கஜா புயலுக்கு திரண்ட நிதி இவ்வளவா??

கஜா புயலால் பாதிக்கப்பட்ட மக்களுக்கு தமிழ் நாட்டிலிருந்து  பல பகுதிகளிலிருந்து கோடி ரூபாய் மதிப்பிலான நிவாரணப் பொருட்கள் அனுப்பிவைக்கப்பட்டுள்லது.

விழுப்புரம் மத்திய மாவட்ட திமுக சார்பில், நாகை, திருவாரூர், புதுக்கோட்டை உள்ளிட்ட கஜா புயல் பாதித்த பகுதிகளுக்கு சுமார் 20 லட்சம் ரூபாய் மதிப்பிலான நிவாரணப் பொருட்கள் அனுப்பிவைக்கப்பட்டுள்ளது. 10 டொன் அரிசி, மண்ணெண்ணெய் ஸ்டவ், குடிநீர், போர்வை, ஆடைகள் போன்ற பொருட்களை முன்னாள் அமைச்சர் பொன்முடி அவருன் தலைமையில் திமுகவினர் லாரி மூலம் அனுப்பிவைத்தனர்.

நீலகிரி மாவட்டம் உதகை, குன்னூர் போன்ற பகுதிகளிலிருந்து ரஜினி மக்கள் மன்றம் சார்பாக பாதிக்கப்பட்ட மக்களுக்கு வழங்குவதற்காக 7 லட்சம் ரூபாய் மதிப்புள்ள பொருட்கள் அனுப்பிவைக்கப்பட்டுள்ளது. 

காய்கறிகள், டீத்தூள், உணவுப்பொருட்கள் உள்பட 7 டொன் பொருட்களை  மழை பெய்ந்து கொண்டும் இருக்கும் போதே ரஜினி மக்கள் மன்றத்தினர் நேரடியாக வழங்குவதற்காக லாரிகளில் ஏற்றிச் சென்றுள்ளனர்.

புதுக்கோட்டை மாவட்டத்தினை சேர்த்த  அறந்தாங்கியில் அக்னி சிறகுகள் அமைப்பினர், வாட்ஸ்ஆப் மூலம் திரட்டிய நிதியினை புயலால் பாதிக்கப்பட்ட மக்களுக்கு கொசுவர்த்தி, வேப்ப எண்ணெய் ஆகியவற்றை வழங்கினர். 

வேப்ப எண்ணெய் மூலம் விளக்கேற்றினால், கொசு கடிக்காது என்பதால், அகல் விளக்கு, வேப்ப எண்ணெய் ஆகியவற்றை, வன்னியபிள்ளைவயல், மேலப்பட்டு, இடையன்காடு உள்ளிட்ட கிராமங்களில் வழங்கினர்.

கஜா புயலால் பாதிக்கப்பட்ட மக்களுக்கு வழங்குவதற்காக, தருமபுரி மாவட்டத்தில் பொதுமக்கள், தொண்டு நிறுவனங்கள், அரசு ஊழியர்கள் சார்பில் வழங்கப்பட்ட 14 லட்சம் மதிப்பிலான பொருட்களை இன்று மாவட்ட ஆட்சியர் லாரி மூலம் அனுப்பிவைக்கவுள்ளார். 

அரிசி, பருப்பு, குடிநீர், மருந்துப் பொருட்கள், ஆடைகள் உள்பட ஏராளமான பொருட்கள் 5 லாரிகள் மூலம் நாகை, திருவாரூர் உள்ளிட்ட மாவட்டங்களுக்கு அனுப்பிவைக்கப்பட்டன. 

இதனிடையே, திமுக சார்பில் பல்வேறு மாவட்டங்களில் இருந்து அனுப்பப்பட்ட ஒன்றரை கோடி  மதிப்பிலான நிவாரணப் பொருட்கள் இன்று மன்னார்குடியை சென்றடைந்தது என தலவல் கிடைக்கப் பெற்றுள்ளது. அரிசி, மளிகைப்பொருட்கள், வேட்டி, சேலைகள், மருந்துப் பொருட்கள், பால் பவுடர், பிளாஸ்டிக் வாளிகள் உள்ளிட்டவற்றை இன்று முதல் திமுகவினர் விநியோகிக்க உள்ளனர்..